S�lstafir - Allar fr�ttir

S�lstafir vestfjar�a, fj�r�flun.

Tue, 10 Nov 2009 09:53:00 +0000

Sólstafir Vestfjarða munu vera með veglegt kaffihlaðborð á veitingastaðnum Amma Habbý á Ísafirði fyrsta sunnudag í aðventu, 29. nóv nk. kl 14-17.

Hlaðborðið mun svigna undan kræsingum sem vinir, vandamenn og aðrir velunnarar hafa verið svo vænir að gefa okkur. Er þetta liður í fjáröflun samtakanna fyrir áframhaldandi starfsemi.
Vonum við að þið sjáið ykkur fært um að mæta til að styrkja þetta góða málefni auk þess að njóta góðrar stundar með okkur.

Verð pr. fullorðinn kr. 1.500
Verð pr. barn kr. 500

Bl�tt �fram f�rir vestfirskum sveitaf�l�gum vi�urkenning 27. apr�l nk.

Sat, 25 Apr 2009 22:55:00 +0000

Sveitarfélög á Vestfjörðum náðu því frábæra markiði að vera fyrst á landinu til að ná þeim áfanga að fræða 5% allra þeirra sem starfa með börnum og unglingum í byggðarlaginu um forvarnir gegn kynferðisofbeldi á börnum. Var það liður í vitundarvakningu Blátt áfram samtakanna. Sveitarfélögin sem hér um ræðir eru Bolungarvík, Hólmavík, Súðavík og Ísafjarðarbær. Blátt áfram samtökin eru gríðarlega ánægð með þennan árangur:
„Fyrst til að ná þessu marki voru sveitarfélög á Vestfjörðum. Nú er komið fordæmi um hugrekki og kjark fullorðinna sem vilja vera betur í stakk búin til að vernda börnin okkar. Starfskonur Sólstafa Vestfjarða tóku að sér af fullum krafti að annast fræðsluna á Vestfjörðum. Þær fengu styrki frá sveitarfélögum og fyrirtækjum á Vestfjörðum en einnig frá dóms- og kirkjumála-, heilbrigðis- og félagsmálaráðuneyti.“, segir í tilkynningu frá Blátt áfram.

Á hálfu ári hafa tæplega 300 starfsfólk stofnana sem starfa með börnum á Vestfjörðum setið námskeið á vegum samtakanna. „Ótrúleg frammistaða hjá metnaðarfullum og hugrökkum konum sem sáu árangur og mikilvægi fræðslunnar í námskeiðinu „Verndarar barna“. Starfskonur Stólstafa hafa með þessu sannað að þetta er hægt og það á ekki lengri tíma“, segir í tilkynningu Blátt áfram.

Meðal þeirra sem setið hafa námskeiðið ,,Verndarar barna“, eru: Starfsfólk grunnskólans í Bolungarvík, starfsfólk leikskólans í Bolungarvík, starfsfólk grunnskólans á Ísafirði, starfsfólk leikskólans á Hólmavík, starfsfólk grunnskólans á Hólmavík, starfsfólk grunnskólans á Þingeyri, starfsfólk leikskólans á Þingeyri, starfsmenn tveggja leikskóla á Ísafirði, starfsfólk skóla- og fjölskylduskrifstofu Ísafjarðarbæjar, 31 starfsmaður Svæðisskrifstofu málefna fatlaðra á Vestfjörðum, tólf lögreglumenn í lögreglunni á Vestfjörðum, Hluti af starfsfólki Fjórðungssjúkrahússins á Ísafirði, meðlimir í Zontaklúbbnum Fjörgin, aðstandendur og þátttakendur í keppninni Óbeisluð fegurð og hluti félaga úr sjúkraliðafélagi Vestfjarða.

Sigríður Björnsdóttir formaður samtakanna Blátt áfram verður á Vestfjörðum á mánudaginn nk. 27. apríl og verður hún með fyrirlestur fyrir foreldra og aðra um kvöldið kl. 20 í Stjórnsýsluhúsinu á Ísafirði. Fyrirlesturinn fjallar um hvernig megi fyrirbyggja kynferðislegt ofbeldi á börnum. Hún mun einnig við þetta tækifæri afhenda sveitarfélögunum viðurkenningu fyrir samstarfsvilja og hugrekki og fyrir að vera fyrst á landinu til að ná þeim áfanga að fræða 5% allra þeirra sem starfa með börnum og unglingum í byggðarlaginu.

VB � S��av�k 17. mars nk.

Tue, 10 Mar 2009 13:56:00 +0000

Námskeið haldið fyrir starfsmenn leik- og grunnskólans í Súðavík.

Námskeiðið Verndarar barna boðar byltingu í fræðslu, forvörnum og viðbrögðum við kynferðislegri misnotkun á börnum. Markmiðið er að veita fullorðnu fólki öfluga fræðslu og markvissa þjálfun í að fyrirbyggja, þekkja og bregðast við kynferðislegri misnotkun barna af hugrekki og ábyrgð. Námsefnið Verndarar barna er sérhannað fyrir stofnanir, fyrirtæki og félagasamtök sem þjóna börnum og unglingum – sem og einstaklinga sem bera ábyrgð á umönnun og verndun barna; sínum eigin eða annarra. Efnið byggist á 7 skrefa bæklingnum til verndar börnunum okkar. Innifalið í verði er verkefnabók og stefnumótunarupplýsingar fyrir félagasamtök, stofnanir og fyrirtæki sem vinna með börnum.Námsefnið er íslensku og fræðslumyndbandið er á ensku en með íslenskum texta.

Leiðbeinandi: Harpa Oddbjörnsdóttir

VB 24. apr�l, leiksk. Lauf�s

Tue, 10 Mar 2009 08:56:00 +0000

Námskeið haldið fyrir starfsmenn leikskólans Laufáss 24. apríl nk kl 13.

VB n�mskei� � Eyrarskj�li

Fri, 06 Mar 2009 15:08:00 +0000

Námskeið haldið fyrir starfsmenn Eyrarskjóls 27. mars nk kl 13.

Leiðbeinandi: Harpa Stefánsdóttir

VB n�mskei� � �ingeyri 11. mars kl 14:30

Fri, 06 Mar 2009 15:05:00 +0000

Námskeið haldið fyrir starfsmenn grunnskólans á Þingeyri.

Leiðbeinandi : Lísbet Harðardóttir

Unglingafr��sla � H�lmav�k

Fri, 06 Mar 2009 15:03:00 +0000

Unglingafræðsla í grunnskólanum á Hólmavík 11. mars nk. kl 9:00

Fyrirlesturinn er ætlaður grunnskólanemendum. Farið er í gegnum 7 skrefa bæklinginn og mikilvægi þess að leita sér hjálpar þó að það geti verið erfitt. Staðreyndirnar eru ræddar, 1 af hverjum 5 stúlkum og 1 af hverjum 10 drengjum verða fyrir ofbeldi fyrir 18 ára aldur á Íslandi. Þetta er byggt upp sem spjall við krakkana þar sem þau geta spurt og sagt hvað þeim finnst um þessi mál. Farið er yfir hvað er kynferðislegt ofbeldi. Þau er hvött til að styðja við hvort annað til að leita sér hjálpar og tala um svona mál. Einnig er talað um mikilvægi þess að vera virðingu fyrir sjálfum sér og öðrum. Við tölum um okkar reynslu og afleiðingar þess að alast upp við ofbeldi og mikilvægi þess að finna leið til að segja frá. Talað er um leiðir og úrræði sem í boði eru fyrir alla fjöskylduna.

Harpa Oddbjörndóttir og Harpa Stefánsdóttir sjá um fyrirlesturinn.

VB n�mskei� � H�lmav�k

Fri, 06 Mar 2009 15:01:00 +0000

11. mars nk. verða Hörpurnar tvær með Verndarar barna námskeið fyrir grunnskólann og leikskólann á Hólmavík. Einnig munu nokkrir lögreglumenn og starfsmenn Svæðisskrifstofu málefna fatlaðra á Vestfjörðum sitja námskeiðið.
Námskeiðið verður í grunnskólanum kl 13.

L�tum ekki deigan s�ga

Fri, 07 Nov 2008 11:59:00 +0000

Námskeiðið Verndarar barna hefur afar hlotið góðar viðtökur hér vestra. Búið er að halda nokkur námskeið fyrir Ísafjarðarbæ, Svæðisskrifstofu málefna fatlaðra og fleiri. Einnig er búið að skipuleggja nokkur námskeið í viðbót á Ísafirði, í Bolungarvík og á Flateyri og verið er að setja niður dagsetningar fyrir Vesturbyggð,Tálknafjarðahrepp, Reykhólahrepp, Kaldrananeshrepp og Hólmavík.

Gaman er að segja frá því líka að það er sífellt að aukast að við séum beðnar um fyrirlestra um starfsemi Sólstafa og um námskeiðið. T.d. höfum við haldið fyrirlestra fyrir Samband Vestfiskra kvenna sem er svæðafélag vestfiskra kvenfélaga, Vesturafl og mömmumorgna á Ísafirði. Eftir fyrirlesturinn hjá SVK hafa kvenfélög hér í kring verið dugleg við að hafa samband og biðja um fræðslu. Framundan eru fyrirlestrar fyrir kvenfélagið Hlíf á Ísafirði og kvenfélagið Hvöt í Hnífsdal.

Þrátt fyrir erfitt efnahagslegt ástand láta Sólstafir Vestfjarða ekki deigan síga. Sveitarfélögin sem þegar hafa samþykk að senda alla sína starfsmenn á þetta mikilvæga námskeið hafa ekki látið neinn bilbug í ljós, þvert á móti. Með því sýna þau að verndun barnanna okkar er mikilvæg, ekki síst á erfiðum tímum því það er því miður staðreynd að þegar efnahagsástandið er ekki gott þá eykst ofbeldi af öllu tagi í þjóðfélaginu.

Dóms- og kirkjumálaráðuneytið hefur ákveðið að styrkja Sólstafi um 200.000 kr. til þess að halda námskeiðið fyrir lögreglumenn á Vestfjörðum. Einnig hefur heilbrigðisráðuneytið veitt okkurstyrk upp á 100.000 kr til þess að fræða starfsmenn heilbrigðisgeirans hérvestra. Kvenfélagið Von á Þingeyri styrkti okkur um 20 þús kr nýverið. Við erum því bjartsýnar á að markmið okkar um að fræða alla starfsmenn sem vinna með börnum á Vestfjörðum náist.

Í þessu árferði er þetta afar jákvætt og erum við mjög þakklátar,sérstaklega þar sem við höfum átt erfitt uppdráttar að undanförnu.Sólstafir höfðu ávaxtað nánast allt sitt fé í peningamarkaðssjóðum en því miður tapað stórum hluta af því eins og svo margir aðrir. Sem betur fer vinnum við nánast allt sem sjálfboðaliðar og getum við lagt það fé sem við eigum í þetta verkefni ásamt því að halda áfram með einkaviðtöl og fræðslu.

OPI� N�MSKEI� 30. OKT NK.

Mon, 27 Oct 2008 13:41:00 +0000

Rannsóknir sína að 1 af hverjum 5 stelpum og einn af hverjum 10 strákum á Íslandi verða fyrir kynferðislegri misnotkun fyrir 18 ára aldur. Níutíu prósent þeirra barna sem verða fyrir misnotkun eru misnotun af einhverjum sem þau þekkja og treysta, m.a. kennurum, þjálfurum, prestum, ráðgjöfum, foreldrum, vinum o.sv.frv

Við hjá Sólstöfum Vestfjarða höfum tekið höndum saman með Blátt áfram samtökunum um að halda námskeiðið Verndarar barna um allt land. Námskeiðið Verndarar barna boðar byltingu í fræðslu, forvörnum og viðbrögðum við kynferðislegri misnotkun á börnum. Markmiðið er að veita fullorðnu fólki öfluga fræðslu og markvissa þjálfun í að fyrirbyggja, þekkja og bregðast við kynferðislegri misnotkun barna af hugrekki og ábyrgð. Efnið byggist á 7 skrefa bæklingnum til verndar börnunum okkar. Svarað verður spurningum eins og hver eru merkin? Hvert á að leita hjálpar? Af hverju börnin segja ekki frá? Hvernig og af hverju á ég að tala um þetta við börnin ?

Við viljum hvetja þig til að skrá þig til þátttöku og taka þannig þátt í þessu með okkur.
Fyrsta opna námskeiðið verður dags: 30. október nk. kl 19.
Námskeiðið kostar kr. 9.000. Hægt er að kanna hvort unnt sé að fá niðurgreiðslu frá stéttarfélagi eða atvinnuveitanda. Innifalið í verði er verkefnabók ásamt 7 skrefa bæklingnum, kaffi og súpa.
Staðsetning : Ráðgjafa og nuddsetrið, Sindragötu 7, Ísafirði

Við höfum ekki efni á að láta þetta okkur ekki varða : verndum æsku barna okkar!
Skráning og upplýsingar í síma 846 8846 eða harpao@solstafir.is