S�lstafir - Fr�ttir

S�lstafir vestfjar�a, fj�r�flun.

Tue, 10 Nov 2009 09:53:00 +0000

Sólstafir Vestfjarða munu vera með veglegt kaffihlaðborð á veitingastaðnum Amma Habbý á Ísafirði fyrsta sunnudag í aðventu, 29. nóv nk. kl 14-17.

Hlaðborðið mun svigna undan kræsingum sem vinir, vandamenn og aðrir velunnarar hafa verið svo vænir að gefa okkur. Er þetta liður í fjáröflun samtakanna fyrir áframhaldandi starfsemi.
Vonum við að þið sjáið ykkur fært um að mæta til að styrkja þetta góða málefni auk þess að njóta góðrar stundar með okkur.

Verð pr. fullorðinn kr. 1.500
Verð pr. barn kr. 500

Bl�tt �fram f�rir vestfirskum sveitaf�l�gum vi�urkenning 27. apr�l nk.

Sat, 25 Apr 2009 22:55:00 +0000

Sveitarfélög á Vestfjörðum náðu því frábæra markiði að vera fyrst á landinu til að ná þeim áfanga að fræða 5% allra þeirra sem starfa með börnum og unglingum í byggðarlaginu um forvarnir gegn kynferðisofbeldi á börnum. Var það liður í vitundarvakningu Blátt áfram samtakanna. Sveitarfélögin sem hér um ræðir eru Bolungarvík, Hólmavík, Súðavík og Ísafjarðarbær. Blátt áfram samtökin eru gríðarlega ánægð með þennan árangur:
„Fyrst til að ná þessu marki voru sveitarfélög á Vestfjörðum. Nú er komið fordæmi um hugrekki og kjark fullorðinna sem vilja vera betur í stakk búin til að vernda börnin okkar. Starfskonur Sólstafa Vestfjarða tóku að sér af fullum krafti að annast fræðsluna á Vestfjörðum. Þær fengu styrki frá sveitarfélögum og fyrirtækjum á Vestfjörðum en einnig frá dóms- og kirkjumála-, heilbrigðis- og félagsmálaráðuneyti.“, segir í tilkynningu frá Blátt áfram.

Á hálfu ári hafa tæplega 300 starfsfólk stofnana sem starfa með börnum á Vestfjörðum setið námskeið á vegum samtakanna. „Ótrúleg frammistaða hjá metnaðarfullum og hugrökkum konum sem sáu árangur og mikilvægi fræðslunnar í námskeiðinu „Verndarar barna“. Starfskonur Stólstafa hafa með þessu sannað að þetta er hægt og það á ekki lengri tíma“, segir í tilkynningu Blátt áfram.

Meðal þeirra sem setið hafa námskeiðið ,,Verndarar barna“, eru: Starfsfólk grunnskólans í Bolungarvík, starfsfólk leikskólans í Bolungarvík, starfsfólk grunnskólans á Ísafirði, starfsfólk leikskólans á Hólmavík, starfsfólk grunnskólans á Hólmavík, starfsfólk grunnskólans á Þingeyri, starfsfólk leikskólans á Þingeyri, starfsmenn tveggja leikskóla á Ísafirði, starfsfólk skóla- og fjölskylduskrifstofu Ísafjarðarbæjar, 31 starfsmaður Svæðisskrifstofu málefna fatlaðra á Vestfjörðum, tólf lögreglumenn í lögreglunni á Vestfjörðum, Hluti af starfsfólki Fjórðungssjúkrahússins á Ísafirði, meðlimir í Zontaklúbbnum Fjörgin, aðstandendur og þátttakendur í keppninni Óbeisluð fegurð og hluti félaga úr sjúkraliðafélagi Vestfjarða.

Sigríður Björnsdóttir formaður samtakanna Blátt áfram verður á Vestfjörðum á mánudaginn nk. 27. apríl og verður hún með fyrirlestur fyrir foreldra og aðra um kvöldið kl. 20 í Stjórnsýsluhúsinu á Ísafirði. Fyrirlesturinn fjallar um hvernig megi fyrirbyggja kynferðislegt ofbeldi á börnum. Hún mun einnig við þetta tækifæri afhenda sveitarfélögunum viðurkenningu fyrir samstarfsvilja og hugrekki og fyrir að vera fyrst á landinu til að ná þeim áfanga að fræða 5% allra þeirra sem starfa með börnum og unglingum í byggðarlaginu.

L�tum ekki deigan s�ga

Fri, 07 Nov 2008 11:59:00 +0000

Námskeiðið Verndarar barna hefur afar hlotið góðar viðtökur hér vestra. Búið er að halda nokkur námskeið fyrir Ísafjarðarbæ, Svæðisskrifstofu málefna fatlaðra og fleiri. Einnig er búið að skipuleggja nokkur námskeið í viðbót á Ísafirði, í Bolungarvík og á Flateyri og verið er að setja niður dagsetningar fyrir Vesturbyggð,Tálknafjarðahrepp, Reykhólahrepp, Kaldrananeshrepp og Hólmavík.

Gaman er að segja frá því líka að það er sífellt að aukast að við séum beðnar um fyrirlestra um starfsemi Sólstafa og um námskeiðið. T.d. höfum við haldið fyrirlestra fyrir Samband Vestfiskra kvenna sem er svæðafélag vestfiskra kvenfélaga, Vesturafl og mömmumorgna á Ísafirði. Eftir fyrirlesturinn hjá SVK hafa kvenfélög hér í kring verið dugleg við að hafa samband og biðja um fræðslu. Framundan eru fyrirlestrar fyrir kvenfélagið Hlíf á Ísafirði og kvenfélagið Hvöt í Hnífsdal.

Þrátt fyrir erfitt efnahagslegt ástand láta Sólstafir Vestfjarða ekki deigan síga. Sveitarfélögin sem þegar hafa samþykk að senda alla sína starfsmenn á þetta mikilvæga námskeið hafa ekki látið neinn bilbug í ljós, þvert á móti. Með því sýna þau að verndun barnanna okkar er mikilvæg, ekki síst á erfiðum tímum því það er því miður staðreynd að þegar efnahagsástandið er ekki gott þá eykst ofbeldi af öllu tagi í þjóðfélaginu.

Dóms- og kirkjumálaráðuneytið hefur ákveðið að styrkja Sólstafi um 200.000 kr. til þess að halda námskeiðið fyrir lögreglumenn á Vestfjörðum. Einnig hefur heilbrigðisráðuneytið veitt okkurstyrk upp á 100.000 kr til þess að fræða starfsmenn heilbrigðisgeirans hérvestra. Kvenfélagið Von á Þingeyri styrkti okkur um 20 þús kr nýverið. Við erum því bjartsýnar á að markmið okkar um að fræða alla starfsmenn sem vinna með börnum á Vestfjörðum náist.

Í þessu árferði er þetta afar jákvætt og erum við mjög þakklátar,sérstaklega þar sem við höfum átt erfitt uppdráttar að undanförnu.Sólstafir höfðu ávaxtað nánast allt sitt fé í peningamarkaðssjóðum en því miður tapað stórum hluta af því eins og svo margir aðrir. Sem betur fer vinnum við nánast allt sem sjálfboðaliðar og getum við lagt það fé sem við eigum í þetta verkefni ásamt því að halda áfram með einkaviðtöl og fræðslu.

OPI� N�MSKEI� 30. OKT NK.

Mon, 27 Oct 2008 13:41:00 +0000

Rannsóknir sína að 1 af hverjum 5 stelpum og einn af hverjum 10 strákum á Íslandi verða fyrir kynferðislegri misnotkun fyrir 18 ára aldur. Níutíu prósent þeirra barna sem verða fyrir misnotkun eru misnotun af einhverjum sem þau þekkja og treysta, m.a. kennurum, þjálfurum, prestum, ráðgjöfum, foreldrum, vinum o.sv.frv

Við hjá Sólstöfum Vestfjarða höfum tekið höndum saman með Blátt áfram samtökunum um að halda námskeiðið Verndarar barna um allt land. Námskeiðið Verndarar barna boðar byltingu í fræðslu, forvörnum og viðbrögðum við kynferðislegri misnotkun á börnum. Markmiðið er að veita fullorðnu fólki öfluga fræðslu og markvissa þjálfun í að fyrirbyggja, þekkja og bregðast við kynferðislegri misnotkun barna af hugrekki og ábyrgð. Efnið byggist á 7 skrefa bæklingnum til verndar börnunum okkar. Svarað verður spurningum eins og hver eru merkin? Hvert á að leita hjálpar? Af hverju börnin segja ekki frá? Hvernig og af hverju á ég að tala um þetta við börnin ?

Við viljum hvetja þig til að skrá þig til þátttöku og taka þannig þátt í þessu með okkur.
Fyrsta opna námskeiðið verður dags: 30. október nk. kl 19.
Námskeiðið kostar kr. 9.000. Hægt er að kanna hvort unnt sé að fá niðurgreiðslu frá stéttarfélagi eða atvinnuveitanda. Innifalið í verði er verkefnabók ásamt 7 skrefa bæklingnum, kaffi og súpa.
Staðsetning : Ráðgjafa og nuddsetrið, Sindragötu 7, Ísafirði

Við höfum ekki efni á að láta þetta okkur ekki varða : verndum æsku barna okkar!
Skráning og upplýsingar í síma 846 8846 eða harpao@solstafir.is

Reykjav�kurfer�

Sat, 04 Oct 2008 16:37:00 +0000

Um síðustu helgi fóru þrjár starfskonur á leiðbeinandanámskeið Stígamóta. Lísbet, nýja starfkonan okkar, Harpa Stefáns og Harpa Oddbjörns héldu suður á bóginn með aðstoð Rauða Krossins sem styrkir okkur alltaf með því að greiða fyrir þau flugför sem við þurfum á að halda. Alveg ótrúlegur velvilji sem við mætum alltaf hjá þeim! Eyddum við þrjár helginni með frábæru fólki með mikla hugsjón varðandi baráttuna gegn kynferðislegu ofbeldi. Þema námskeiðsins var mörk. Hvar mörk okkar og annarra liggja. Mikið ofboðslega höfðum við gott af því að fara í gegnum þetta. Algjörlega magnað.

Þátttakendur voru um 15 manns og einstaklega ánægjulegt var að sjá að tveir karlmenn voru þar á meðal. Það var alveg frábært fá að kynnast þeim! Námskeiðið stóð yfir alla helgina frá kl 9:15 til 16-17 seinnipartinn. Aldrei fórum við úr húsinu á meðan námskeiðinu stóð enda þjappaði það okkur enn meira saman að vera ekki að flækjast hingað og þangað í hádegismat. Margir þátttakendur voru að sitja sitt annað leiðbeinandanámskeið og voru þarna einhverjir sem höfðu komið oftar. Sýnir okkur bara að það er alltaf hægt að læra eitthvað nýtt. Við munum klárlega mæta aftur næst!

Á mánudeginum áttum við góðan fund með Sigríði Björnsdóttur hjá Blátt áfram samtökunum og fórum við yfir stöðu mála. Eins og þið vonandi vitið þá erum að taka þátt í forvarnarátaki þeirra „Verndarar barna“. Það eflir og styrkir okkur sólstafakonur gríðarlega að fara suður öðru hvoru til að styrkja tengslin og sækja okkur nýjar upplýsingar svo við getum unnið starf okkar betur hér á Vestfjörðum. Alger óþarfi er að finna upp hjólið aftur og aftur.

Lísbet og Harpa O framlengdu ferð sína um sólahring vegna beiðni Sigríðar um að vera með henni á blaðamannafundi á þriðjudeginum. Þar kynnti hún forvarnarátakið fyrir fjölmiðlum, sýndi auglýsingarnar sem farnar eru í loftið og svo framvegis. Við sólstafakonur vorum beðnar um að segja frá því hvað við værum búnar að áorka hér vestra og hvernig við færum eiginlega að því að fá öll þessi sveitarfélög til þess að vinna að þessu með okkur. Okkur þótti svo sannarlega ekki leiðinlegt að segja frá því.

Eftir blaðamannafundinn sat ein okkar málstofu hjá Háskólanum í Reykjavík þar sem talað var um sönnunarfærslu í kynferðisbrotamálum. Mjög áhugavert að hlusta á fyrirlesarana þar.Við mynduðum mikilvæg tengsl við aðila eins og Svandísi Ingimundardóttur þróunar- og skólafulltrúa Sambands íslenskra sveitarfélaga og Svölu Ísfeld Ólafsdóttur lögfræðing við Háskólann í Reykjavík. Svala hefur skrifað mikið af efni í tengslum við kynferðisafbrot. Hún bauð okkur aðstoð sína og ætlar meðal annars að senda okkur eitthvað af því efni sem hún hefur skrifað. Eins og þið sjáið hafa undanfarnir dagar verið annasamir og gríðarlega ánægjulegir fyrir okkur. Og meira er í vændum.

Fylgist vel með.

M�gnu� samsta�a

Sat, 04 Oct 2008 00:11:00 +0000

Sólstafir leituðu í ágústmánuði sl. til allra sveitafélaga á Vestfjörðum um samtarf við að senda alla starfsmenn sem vinna með börnum á námskeiðið Verndarar barna. Við höfum vægast sagt fengið frábærar viðtökur. Af þeim tíu sveitarfélögum á Vestfjörðum hafa átta svarað. Öll á þann veg að sveitarstjórninar hafa ákveðið að taka þátt í þessu með okkur. Allir eru að leggjast á eitt til að gera þennan draum að veruleika!Þessi átta sveitarfélög eru Ísafjarðarbær, Súðavíkurhreppur, Kaldrananeshreppur, Strandabyggð, Vesturbyggð, Tálknafjarðarhreppur, Reykhólahreppur og Bolungarvík. Aðeins Árneshreppur og Bæjarhreppur eiga eftir að svara en við vonumst eftir jákvæðum viðbrögðum.

Auk þessa hefur Svæðisskrifstofa fatlaðra á Vestfjörðum pantað námskeið fyrir sína starfsmenn sem eru um 60 talsins. Búið er að halda tvö námskeið fyrir þau, samtals 15 manns og næsta námskeið verður á nk. þriðjudag 7. okt. Þátttakendur þar verða 20 talsins og verðum við því búnar að fræða rúmlega helming starfsmannanna.
Að auki höfum við bókað eftirfarandi námskeið í október og nóvember:

22. okt kl 19 þátttakendur og aðstandendur Óbeislaðrar fegurðar
24. okt kl 9 Skóla og fjölskylduskrifstofa.
27. okt kl 15:10 Grunnskólinn á Ísafirði
29. okt kl 9 og 13, Grunnskólinn á Ísafirði
30. okt kl 19 OPIÐ NÁMSKEIÐ. HÆGT ER AÐ SKRÁ SIG Í SÍMA 846 8846. Einnig er hægt að send tölvupóst á harpao@solstafir.is, harpas@solstafir.is, lisbethardar@simnet.is. Gjald kr. 9.000 pr. þátttakanda.
10. nóv kl 15:10, Grunnskólinn á Ísafirði
17. nóv kl 13, allir starfsmenn sem vinna með börnum á Flateyri,
24. nóv kl 15:10, Grunnskólinn á Ísafirði

Vert er að benda á það að eftir að við byrjuðum að halda þessi námskeið hefur aðsókn í Sólstafi aukist. Og við höfum aðeins frætt um 35 manns. Við getum því rétt ímyndað okkur hvernig viðbrögðin verða þegar við höfum frætt um 500 manns á Vestfjörðum! Þetta styrkir einnig þá trú okkar að við erum að vinna bráðnauðsynlega vinnu sem á bara eftir að magnast. Vestfirðingar, tökum höndum saman og verndum börnin okkar. Okkar er ábyrgðin!

Veturinn annasamur og vonandi �rangursr�kur

Sat, 30 Aug 2008 00:08:00 +0000

Markmið okkar m.a. er að virkja hina fullorðnu í okkar samfélagi í að vernda börnin gegn kynferðislegri misnotkun. Það er mikilvægt að allir séu upplýstir á sama hátt og þekki sömu staðreyndir. Við viljum einnig vekja þá sem misnota til umhugsunar og reyna með markvissum aðgerðum koma í veg fyrir að þeir athafni sig hér.

Við ætlum okkur að fá alla starfsmenn sem vinna með börnum á Vestfjörðum til að sitja námskeiðið „Verndarar barna“ og höfum við sent út óskir um samstarf til allra sveitarfélaga og hreppa á Vestfjörðum. Samkvæmt verðskrá Blátt áfram kostar námskeiðið kr. 9.000 fyrir hvern einstakling. Því er ljóst að töluvert fjármagn þarf til þess að láta þetta rætast. Við teljum að á Vestfjörðum öllum séu um 5-600 starfsmenn sem vinna með börnum og því þurfum við að safna um 5.500.000 kr. Er fimm og hálf milljón mikill peningur fyrir að vernda börn í heilum landshluta gegn kynferðislegu ofbeldi? Dagmæður, leikskólakennarar, kennarar í grunnskóla og menntaskóla, íþróttaþjálfarar, starfsmenn félagsmiðstöðva, lögreglan, allir þjálfaðir í því að vernda börnin okkar gegn kynferðislegu ofbeldi. Nei, þetta er hlægileg upphæð. :

Þau sveitarfélög og hreppir sem hafa svarað erindi okkar hafa ákveðið að taka þátt í kostnaðinum með okkur og vonumst við til að fá fleiri til liðs við okkur innan skamms.

Enn sem komið er höfum við bókað 4 námskeið og einn fyrirlestur í september. Þegar hausta tekur eigum við von á því að bókunum muni fjölga hratt.

Fylgist með !

N�mskei� � n�stunni og n� starfskona S�lstafa

Thu, 29 May 2008 12:41:00 +0000

Sólstafir Vestfjarða ætla að taka þátt í forvarnarverkefni samtakanna
Blátt áfram sem hafa hrundið af stað langtíma verkefni með miklum glæsibrag. Við
hjá Sólstöfum ætlum okkur að uppfræða Vestfirði, vekja fólk til vitundar
um að það er nauðsynlegt að standa saman að því að vernda börnin okkar.
Það gerum við með því að halda námskeiðið Verndarar Barna fyrir alla þá
sem vinna með börnum . Forvarnarátak Blátt áfram samtakanna felst að
stórum hluta í þessu námskeiði og höfum við mikla trú á því. Við komum til
með að fara með þessa fræslu víðsvegar um Vestfirði á næstu 1-2 árunum.

Í dag erum við með hóp fólks sem er bjartsýnt á að láta þetta ganga og
virkja Ísafjarðabæ og helst alla Vestfirði í að ,,Vernda börnin". Vekja
heilt bæjarfélag eða heilan landshluta til vitundar því þörfin er mikil.
Nú þegar hafa þrjár starfskonur Sólstafa farið á leiðbeinandanámskeið hjá
Blátt áfram. Við höfum reiknað gróflega að í stofnunum, fyrirtækjum og
félögum í Ísafjarðarbæ séu rúmlega 300 - 400 manns sem vinna með börnum og
því er mikið verk fyrir höndum. Þá eru ótaldir starfsmenn sem vinna með
börnum í Bolungarvík, Súðavík, Hólmavik, Drangsnesi, Reykhólum,
Patreksfirði, Tálknafirði og fleirum stöðum. Við ætlum okkur í sameiningu
að safna fyrir því að allir þessir starfsmenn geti setið þetta
mikilvæga námskeið án þess að þurfa leggja fram fyrir öllu
námskeiðsgjaldinu sem er kr. 9000 fyrir hvern þátttakanda.
Það verður meginverkefni okkar 2008-2009 að uppfræða fólk. Nú þegar erum við byrjaðar
á að kynna námskeiðið og förum af stað með það fyrsta nk. mánudag, 2.
júní. Starfsmenn Vinnuskóla Ísafjarðarbæjar munu sitja það námskeið.
Einnig verður aðstandendum keppninnar Óbeisluð fegurð, Rauða Krossinum á
Ísafirði og Zonta konum á Ísafirði boðið á námskeið sem þakklætisvott
fyrir veittan stuðning. Fyrsta opna námskeiðið verður haldið 12. júní nk.
kl 18:00 í Ráðgjafa og nuddsetrinu að Sindragötu 7, Ísafirði. Öllum er
frjálst að skrá sig í síma 846 8846 eða harpao@solstafir.is. Gjald fyrir
hvern þátttakanda á opna námskeiðið er kr. 9.000. Í boði verður ljúffeng
súpa og ilmandi brauð. Frekari námskeið hafa ekki verið ákveðin en í haust
munum við halda námskeið fyrir starfsfólk Grunnskóla Ísafjarðarbæjar ásamt
því að vera með fræðslu fyrir nemendur. 7.-10. bekkjar skólans.

Ný starfskona hefur bæst í hóp hinna vösku valkyrja, hún heitir Lísbet
Harðardóttir og er umsjónarkona félagsmiðstöðvar Ísafjarðarbæjar. Við erum
mjög ánægðar með að fá að njóta starfskrafta henar , sérstaklega þar sem
Lísbet hefur mikla og góða reynslu af því að vinna með unglingum og hefur
því góða innsýn í þeirra líf. Við bjóðum hana innilega velkomna!

Allt � fullt aftur eftir sm� n�mshl�

Sun, 16 Mar 2008 22:01:00 +0000

Jólin eru víst löngu búin og kominn tími til að sýna lífsmark hér á síðunni. Báðar Hörpurnar hafa verið í borg óttans að skóla sig. Önnur hefur snúið tilbaka en hin á eftir að klára en kemur von bráðar. Hlé hefur því verið á starfsemi Sólstafa síðan á áramótum. Við erum að fara á fullt aftur og hlökkum mikið til að takast á við annað starfsárið okkar hér.

Eins og áður verður opið hús á þriðjudagskvöldum frá 20-22 og einstaklingar geta pantað viðtöl hvenær sem er.

Þrátt fyrir að starfsemin hafi legið niðri í tvo mánuði hefur ýmislegt gerst. Það er einstaklega ánægjulegt að sjá hve vel okkur hefur verið tekið hérna og við finnum fyrir gríðarlega miklum stuðningi frá samfélaginu. Greinilegt er að löngu var komin tími til að setja upp þessa þjónustu hér. Við erum afar þakklátar öllum þeim sem hafa styrkt okkur og stutt.

Við þökkum nemendafélagi Menntaskólans á Ísafirði innilega fyrir tónleikana sem haldnir voru til styrktar okkur. Okkur þótti sérstaklega vænt um að félagið sjálft styrkti okkur um 50 þús, fyrir utan tónleikana sem sagt.

Zontakonur seldu nælur til styrktar Stígamótum, Aflinu á Akureyri og Sólstöfum. Við því miður gátum ekki tekið þátt í söfnuninni en við höfum heyrt að hver einasta næla hafi selst og það hefði verið hægt að selja miklu fleiri. Það er frábært að heyra að samfélagið hér hafi tekið þessu svona vel. Þetta er vísbending um það að við ætlum okkur öll að láta hlutina gerast og breytast frá því sem áður var. Það er sérstaklega ánægjulegt að heyra þar sem við ætlum okkur að gera stóra hluti á næstunni.

Það sem er framundan hjá okkur:Markmið okkar hjá Sólstöfum er að gera okkur óþarfar í því að taka á móti þolendum kynferðislegs ofbeldis, við vitum að það er óraunhæfur möguleiki en vert að stefna að því samt sem áður. Með áframhaldandi stuðningi frá samfélaginu getum horft bjartsýnar fram á veginn. Auk þess að halda áfram með vinnu okkar við að taka á móti þolendum kynferðislegrar misnotkunar, og hjálpa þeim á leið sinni að betri líðan þá erum við að fara af stað með árs til tveggja ára verkefni. Við ætlum okkur uppfræða Ísafjarðarbæ, vekja fólk til vitundar um að það er nauðsynlegt að standa saman að því að vernda börnin okkar. Nú þegar hefur ein starfskona Sólstafa farið á leiðbeinandanámskeið hjá Blátt áfram sem eru samtök sem standa að forvörnum gegn kynferðislegu ofbeldi á börnum. Þrjár til viðbótar fara á sama námskeið þann 10. Maí nk. Það sem við lærum þar er að leiða námskeiðið Verndarar barna. Það er komið frá grasrótarsamtökum Darkness 2 light sem hefur höfuðstöðvar í Charleston í Suður Karólínu, og leitast þau við að vernda börn gegn kynferðislegri misnotkun með því að leggja ábyrgðina á herðar hinna fullorðnu. Námskeiðið er ætlað til þess að kenna hinum fullorðnu, sérstaklega þeim sem vinna að einhverju leiti með börnum, að fyrirbyggja, greina og bregðast við kynferðislegu ofbeldi gegn börnum. Í dag erum við með hóp fólks sem er bjartsýnt á að láta þetta ganga og gera Ísafjarðabæ að fyrsta samfélaginu á Íslandi sem hefur tekið höndum saman um að ,,Vernda börnin". Vekja heilt bæjarfélag til vitundar því þörfin er mikil. Í Ísafjarðarbæ eru rúmlega 300 manns sem vinna með börnum og því er mikið verk fyrir höndum. Við ætlum okkur í sameiningu að safna um þrem milljónum til þess að allir þessir starfsmenn geti setið þetta mikilvæga námskeið.

Við hlökkum mikið til að takast á við þetta verkefni því við trúum því innilega að forvarnir séu rétta og besta leiðin. Tökum öll höndum saman og verndum börnin okkar!

Baráttukveðjur
Sólstafakonur

J�lakve�ja

Mon, 17 Dec 2007 22:56:00 +0000

Sólstafir Vestfjarða óska þess að þið eigið gleðilega hátið og vonum við að nýtt ár færi ykkur birtu og yl. Við þökkum hjartanlega fyrir allan þann stuðning sem okkur hefur hlotnast á liðnu ári.

Jólakveðja,
Sólstafakonur
Sunneva, Marsibil, Harpa S og Harpa O